Stories.HKJunkCall.com
Stories and Clue 故事與線索
Stories 系統以任何號碼、ID、帳號、戶口、網址、地址、hashtag 等作為線索讓市民搜尋(但不公開有關資料)，以事主的故事使市民加以警惕。
一般市民可以搜尋線索以了解是否有機會或已經與不好的事情擦身而過。
你的每一個故事也使網站更加強大，在擁有大量數據成熟後能使騙徒無所遁形。
Stories.HKJunkCall.comStories and Clue 故事與線索
Stories 系統以任何號碼、ID、帳號、戶口、網址、地址、hashtag 等作為線索讓市民搜尋(但不公開有關資料)，以事主的故事使市民加以警惕。
一般市民可以搜尋線索以了解是否有機會或已經與不好的事情擦身而過。
你的每一個故事也使網站更加強大，在擁有大量數據成熟後能使騙徒無所遁形。
自稱Dancer,一段時間之後,用業績未達標為由,要求要支付一筆金錢,之後會還給你
CACA
CACA(金毛,COOL牙)
交友app(OKCUPID)扮識fd自稱做PROMOTE醫美同升學,獨生女 ,同4個中同租屋 住大角咀 番旺角~扮23歲~讀嶺南大學
初頭都正正常常傾計，但佢非常主動，又約飯又建談，約出黎食飯，之後就開始叫一齊做treatment稱自己清唔到黑頭,要出去比人清.
呃錢呃錢 全家都係騙子
28歲 獅子座 身形好高肥胖 話自己A0 住深井返機場
表面返機管局原來part-time做保險利用Tinder去搵客之前返工程
講到自己幾慘，好少識到女仔自己好可憐，所以而家好努力減肥去做gym 仲搵埋PT話要對自己好啲所以我都應該保障返自己去買保險身體健康啲…點知發現成家都呃人
佢阿爸之前原來做渣打銀行亞洲總經理又話識人知道多啲資訊可以幫下你買保險都抵啲
有個大佢七年嘅家姐以前都係做銀行依家就轉咗做finance 又話幫你投資叫你入啲錢俾佢
仲有一個大10年嘅阿哥做會計又幫你喺度計錢
同佢傾偈扮到好怕羞 好少主動約人出嚟
本身就話同家姐關係唔係幾好冇乜聯絡，點知約到出嚟見面佢家姐就喺附近扮咁岩撞到就開始sell
嗰陣時講到玩社交平台 佢話自己冇玩IG…都唔知佢講邊啲係真
#Man #文曉x #文x昱
文曉昱
呢個男仔係一個大騙徒佢會喺Bumble上面認識咗你一兩日之後就會即刻問你攞WhatsApp，問佢攞IG又話自己冇或者好少用問幾次先會俾你，第一次佢約我出嚟係傾咗一兩日已經好快叫你出嚟，佢會話自己住喺奧運站同幾個朋友一齊住之後會叫你去旺角食飯，但出嚟嘅時間係晏晝佢只會買一杯嘢飲咁樣。仲要第一次食飯嘅時候佢話自己身上面冇晒現金，亦都話自己信用卡乜嘢分期付款之類嘅藉口叫你去俾錢，跟住話下次請返你食飯，懷疑佢咁樣做係想令你下次會再出嚟。咁我都俾咗錢就算啦，佢第一次出嚟嘅時候會問你個名，中文同英文都會，嗰陣都覺得冇乜問題。再加上第一次出嚟佢係咁話我個樣望落好攰，之後就開始分享自己阿媽嗰啲痛淋巴乜嘢可以瘦腿嘅嘢俾你聽，話自己阿媽做完之後好精神同埋血液循環都好咗又有飲中藥嗰啲，之後佢就話下次帶你去通淋巴，咁嗰陣我聽完都純粹以為呢個人出發點係好想幫你，於是我就諗好啦就去啦，下次出嚟嘅時候。
點知第二次出嚟嘅時候又係約你去旺角，佢約我去旺角帶咗我去雅蘭中心嗰度飲一杯茶，之後就話嗱嗱臨要上去雅蘭中心嗰個美容院度幫你做通淋巴，仲要喺餐廳飲嘢嗰陣，同你講話一陣間上美容院嗰陣填佢個名會有優惠，嗰陣我已經覺得有奇怪點解要填佢個名後尾再問原來佢話佢做嗰間傳銷公司係同呢一個美容院有合作，跟住我已經好懷疑，但嗰陣已經上咗去美容院中心，所以冇特別講啲乜嘢諗住快快手做完之後就走，佢仲都好古怪，首先係兩個人一齊坐一間房度等，跟住我就入去另一間房做先，我係要做一個鐘嘅通淋巴療程，我問佢佢話佢都會去做，咁照計佢遲過我入房正常應該係唔會喺我做完嘅時候已經喺另一間房等緊我出嚟。於是我做完通淋巴嗰一個鐘之後出嚟喺嗰間房已經見到佢坐咗喺度我就問佢乜你咁快做完，佢就改咗口話自己唔係通淋巴係去針灸針灸，只係需要20分鐘。我嗰陣已經覺得好古怪，我就問佢點解我哋做完都仲要繼續坐喺呢間房唔係已經走得㗎啦咩嗰陣佢就答我話人哋要俾返啲專業評價同意見俾我我心入邊已經知道將會係強迫我消費sell我，佢晏啲就有另一個女仔入咗嚟，嗰個人就係美容院中心個sales，跟住開始不停同我宣傳啲療程俾我聽又叫我喺嗰度買一張類似八達通嘅嘢每次可以扣唔知幾多錢去做佢嗰啲療程，個sales仲要話你肥又話你水腫，係咁叫我留低啲錢喺度扣住數先，跟住成個過程喺入邊大約一個半鐘再多啲，我一直都話冇興趣唔俾錢，後尾個西裝女士sales就會出返間房，呢個男仔就會不停讕係關心你話你唔信任佢話你唔肯同佢一齊嚟通淋巴之類嘅說話，總之就係感情勒索。成個過程帶着一個半鐘之後我都唔肯攞錢出嚟，後尾迫於無奈就放咗我走，然而落到去樓下街邊嘅時候嗰個男仔就無啦啦發脾氣，話我係一個好硬頸嘅人完全唔聽佢講嘢又話我唔信任佢，後來我係咁解釋就話我都要時間諗吓亦都可能未必有興趣住，所以就算真係有興趣都係遲啲先，佢都不停感情勒索，我係咁話我唔信佢唔俾機會佢話我質疑佢因為喺上面依美容中心嗰陣喺間房入邊去不停叫我俾錢去買呢個療程我有多口質疑咗佢一句你係咪sales，佢就非常惡話自己唔係仲串你。總之最後，連嗰餐飯晚飯都冇食過，佢就發脾氣走咗。
呢個人都幾厚面皮，仲要一開始，佢識你嘅時候就會講自己啲慘痛經歷話自己俾人帶綠帽，又話以前自己係肥仔又話自己整親個隻腳，又做到自己好孝順會買餸返去同阿媽煮飯食飯。希望大家小心呢個人！！！
Eng
Neo skin lab 傳銷中嘅垃圾 為咗叫人買plan 甚至出賣自己身體 佢呃咗我三萬幾蚊買個垃圾plan 原來所謂嘅冷靜期係假嘅 佢約咗我三四次食飯 然後又着到勁暴露 着住條短裙仲對住我擘開咗對腳 係連底褲都冇着嗰種 我承認一時衝動上咗去買 奉勸大家小心啲 原來依家為咗簽單真係乜都會做得出 已經報咗東張西望
佢自稱vivi 約人喺朗豪坊食飯之後會帶你去雅蘭中心18樓 我試過打俾佢 問佢點解冷靜期都冇用 佢就即刻block咗我 我之後用其他電話打過去都已經未能接通
Eng
Neo skin lab 傳銷中嘅垃圾 為咗叫人買plan 甚至出賣自己身體 佢呃咗我三萬幾蚊買個垃圾plan 原來所謂嘅冷靜期係假嘅 佢約咗我三四次食飯 然後又着到勁暴露 着住條短裙仲對住我擘開咗對腳 係連底褲都冇着嗰種 我承認一時衝動上咗去買 奉勸大家小心啲 原來依家為咗簽單真係乜都會做得出 已經報咗東張西望
佢自稱vivi 約人喺朗豪坊食飯之後會帶你去雅蘭中心18樓 我試過打俾佢 問佢點解冷靜期都冇用 佢就即刻block咗我 我之後用其他電話打過去都已經未能接通